تتصوّر عليك ازعل؟؟.؟؟.؟؟

تتصوّر عليك ازعل
وأسد باب الكَلب وأرحل
تتصوَر تجيني بحب واكلك روح ما أقبل ؟؟.؟؟؟.؟؟
انت بكل ميانه مرّخص على الروح
تجرحها وترد عليها تدلل،،،ــ،،،ـــ
وانا متعلّم عليك وهاي اليّه سنين
تطعنّي واطيح كَبالك اتوسل
ضميتك جرح بالروح ضل مجروح
واتخبل اذا ينشل
هذا انت عزيزي شلون متصير
وعذب حتى المرار البيك ما ينمل
أذعرك واني اعرف بيك انت غلطان
وأغض عيني واكَول الكَلب يتحمل
سجج صارن جروحي وانت ريل تدوس
واكَول الله لو منهن جرح حمّل
يا فلاح كَلبي اليشتل الطعنات
حبيبي ومن شتالك باقي اتأمل
يا رمّاي الحزن وسهامك موجدات
وبعز الضلام توّجد وتندل
فدوه لهذا طولك يا نبع ريحان
عليّه بهالعذاب اروجوك لا تهجر
ــــــــــــــــــــــــــــــــــــــــــــــــ
ـــــــــــــــــــــــــــــــــــــــــ
ــــــــــــــــــــــــــــــــــــ
ـــــــــــــــــــــــــــــــــ
ــــــــــــــــــــــــــــ
ــــــــــــــــــــــــ
ــــــــــــــــــــ
ـــــــــــــــ
تحياتي م.العام

طبعا هاي ابداعات الشاعر ضياء الميااااااااالي
يسلموووو عاشت ايدك

وايديج وصحيح مال ضياء الميالي وحيل احبه لان هو شعره وصوته حلو بالالقاء
وزين مبين انتي تحبين الشعر

إي خصوصا شعر ضياء الميالي فد شي كلش حلو
بس حرامات اكو شغلات إلة من سووها اغاني راح معناها كله
ويكوم المغني يوصوص ويخرب كل شي

العفو زهرة العالم انشلله عجبتكم

فالكون دتبدع
كلللللللللللللش حلو احلى شي الشعر العراقي لان تحس بيه اقرب الك من الشعر الفصيح وخصوصا الميالي روعه بس اني اشوف حتى من تصير اغاني هم تصير حلوه بس بطريقه مختلفه

اشكرج خجلتيني اميرة بغداد ....باعي هو الميالي بيه شغله حلوه انه صوته والشعر مالته حلووووو يعني الالقاء مالته كلش حلو وهو كلماته روعه وطبعا ماكو احلى من الاغاني العراقيه والشعر العراقي اني غربي ما اسمع وعربي قليل بس الهرتقي فد شي خرافي ومطربينا ممقصرين هم....تحياتي

مينطيني كلبي امدح بموضوعك لان بعدها خالتك زعلانه عليك ثناوي
بس بيني وبينك>>>اني مو كلت بيني وبينه انتوا ليش دتقرون خخخخخ
تره الموضوع جميل ونايس وحلو وكلشي وكلاشي
لا لا جديات صدك رووووووعه حبيتها اني اتخيل لول

اي همزين حبيتيها
ولو هي مو الج
خخخخخخخخ
لا كذب الج يمعوده خاله شيخلصني منج