ابوذيات تخبل تعال وشوف وسمعني ردك يا ورده

تضن حظي بغيلبك ...حالفاني
انة بيا حال بعدك...حالفاني
وحق موسى ابن جعفر...حالفاني
اشبعك بوس اذا توكع بيدية.

صرت طير اتعبت انه...من التل
ويكت دمعي شبة جاري...من التل
اريدك ثابت وكوتك...من التيل
تكهرب كل نذل شامت الية

اسهام الغدر هالبانت ...ولاحن
المصايب جلة الليلة...ولاحن
علية مرتعش كلبك ...و لاحن
تدور الشين والزلة علية

نبع صافي نهر خدك...صفالي
وكلبي اتلول من حبك...صفالي
عكب شخصك بعد ياهة...صفاي
حتة الغي العشك غصبا علية

الحبة جالذهب بالروح...عدنة
ولعد شوف منس يهواي ...عدنة
شتظن عاشور صار اليوم ...عدنة
وامجانت الفرح نلطم سوية

بحبك ماركد عقلي...ولاجن
الليالي حزنت ابكلبي...ولاجن
حسنك لا بشر مثلة ...ولا جن
اظن يوسف مرك لحظة علية

اريدك ترجع ابسرعة...همالاي
ويظل بعدك جبل حملي...همالاي
عليك العين هالظلت...همالاي
لأن حبك صدك اثر علية

يعني الكلب منك ...مايعاني
ولجل حبك صرت...مايعاني
ولون اعليك خلص...ماي عيني
ابجيلك دمعة غصبا علية

نفس انة دنية شلون...نفسك
وسكر كاس الخمر من شهك...نفسك
اريك ياحبيبي اتبوس...نفسك
واريدك من صدك تنويهة الية

علة كلبي حزن تدري...تلفاني
وانة بزودي اعلة حسنك...تلفاني
جبل شوكك هوة بية...تلفاني
وصرت كاع وكمت تسحك علية

حلووووووووووات
واحلاهن هايه
بحبك ماركد عقلي...ولاجن
الليالي حزنت ابكلبي...ولاجن
حسنك لا بشر مثلة ...ولا جن
اظن يوسف مرك لحظة علية

شكراااااااا سنفور

علة كلبي حزن تدري...تلفاني
وانة بزودي اعلة حسنك...تلفاني
جبل شوكك هوة بية...تلفاني
وصرت كاع وكمت تسحك علية

اويلي هاي قوية

يسلمووو خوش ابوذيات

يعني الكلب منك ...مايعاني
ولجل حبك صرت...مايعاني
ولون اعليك خلص...ماي عيني
ابجيلك دمعة غصبا علية