رحله الى الطفولة . . مع شباب وبنات طب الاسنان

هلووووووو انجولة
هاي شذكرج بالطفووولة
اني طفولتكم كلكم شهدتو شلون جانت مغامرات
وكلة حصونة وبالك عنا هههههههه وسئلي فادي وتأكدي

[ المرحله الاولى ]

اوصف لنآ طفولتك بمآ تريد !

يعني مابيها هواية مغامرات لان اني مجنت اجتماعية واسوي هوسات جنت كله يم امي لازكة بيها خطية.
.


[ المرحله الثانيه ]

ما هو اجمل موقف او اجمل ذكرى تتذكرها من طفولتك ؟
امممممم فد يوم خبثت على ولد اثنين وياية بالابتدائية جانو يفشرون واني ماافتهم وكلت للمديرة وانكتلو ههههههههه والله فد موقف حلو جان ماادري ليش ارتاحيتله حيل لحد الان

[ المرحله الثالثه ]

ما هو أصعب أو أحزن موقف مر عليك في طفولتك ؟

ها اصعب موقف فد يوم رحنا للمزرعة سفرة وويانا اصدقائنا جنت عمر داسجل مدرسة فالمزرعة عالشط ركبنا زورق و راد ينكلب بينا الزورق بحيث فعلا جان موقف صعب ويخوف لان جنت صغنونة


[ المرحله الرآبعه ]

ما هي أجمل هدية تلقيتها في طفولتك ولم تنساها لليوم ؟

بابا جابلي قطار ليهسة عندي من نوع بيه سكة طويلة كلش وتصير دائرة و من يمشي يعلك كلوب ويطلع دخان عالباتري كلش حلووووو

[ المرحله الخآمسه ]

هل هناك انسان معين كرهته في طفولتك .. ولماذا ؟

اممممممم اكرهة لا ماكو بس جان اكو جهال جوارينة مااحبهم لحد هسة جانو يسوولي مشاكل واني مااعرف ارد عليهم عزةةة لتذكريني ليهسة اضوج منهم

[ المرحله السآدسه ]

ماهي اصعب مره ضربت فيها ولازالت محفوره في ذاكرتك ,, وما السبب ؟

مرة وحدة خبيثة ويانة بالابتدائية كالت لام الاسلامية عساس اني حاجية عليهة وهي ام الاسلامية عانس وحالتها حالة جان تضربني راشدي واني كلشي ممسوية لحد الان انقهر من اتذكرها واحس اريد ابجي


[ المرحله السابعه ]

هل كنت غيور بطفولتك من اخوانك وتحس بوجود تمييز بينك وبينهم ؟
لاء ماكو هيجي شي

[ المرحله الثامنه ]

ما هي اكثر وافضل لعبة كنت تلعبها و أنت صغير ؟

جنا نلعب توكي اكثر شي و من نصير هواية ايام نلعب سبع سيفونات اذا تعرفوها
.


[ المرحله التاسعه ]

هل ستربي اولادك بنفس الطريقة التي تربيت بها في طفولتك؟

إي نفس الشي بس اكو اشياء اغيرها

[ المرحله الاولى ]

اوصف لنآ طفولتك بمآ تريد !

.جنت وككيحه وشلش حيل وبس اكمززززززززززززززززززززززز
.


[ المرحله الثانيه ]

ما هو اجمل موقف او اجمل ذكرى تتذكرها من طفولتك ؟

.قبل كم يووووم جنت يم صديقتي وشفت صورتنه لمن جنه اول ابتدائي صدك طكينه ضحك ع حالنه لان
جنه نختلللللللللللللف حيل حيل بس تبقى احلى ذكرى لان هاي الصوره تمثل صداقه 17 سنه الحمد لله
.


[ المرحله الثالثه ]

ما هو أصعب أو أحزن موقف مر عليك في طفولتك ؟

.جنت يمكن بالسادس ابيتدائي وامي سوت عمليه مال غده مجنت اعرف شنو خطره او لا بس كضيتها اربع ايام بس ابجي واكو اغنيه مال هيثم يوسف "يا ناس رحموا بحالي "لحد هسه من اسمعها اتبجيني لان طلعت بوقتها


[ المرحله الرآبعه ]

ما هي أجمل هدية تلقيتها في طفولتك ولم تنساها لليوم ؟
تراجي نونيه اهلي اشتروها الي وجان اول طلب ني صدك رايدته ولحد هسه ضامتها يمي لول


[ المرحله الخآمسه ]

هل هناك انسان معين كرهته في طفولتك .. ولماذا ؟

.ممممم ما اتصووور
.


[ المرحله السآدسه ]

ماهي اصعب مره ضربت فيها ولازالت محفوره في ذاكرتك ,, وما السبب ؟
مره جنت بالثالث ابتدائي والمدرسه مالتي انطتني راشدي علمود شي اني ممسويته ولهسه احس حالي مظلومه بس ما اعرف شلون ارده الها ههههههههههههههههههههه
.
.
.


[ المرحله السابعه ]

هل كنت غيور بطفولتك من اخوانك وتحس بوجود تمييز بينك وبينهم ؟

.ههههههههههههه طبعا لا لان اني النونيه والدلوعه >>ختيه خواتي هههههههههه
.


[ المرحله الثامنه ]

ما هي اكثر وافضل لعبة كنت تلعبها و أنت صغير ؟

.
.باربببببببببببببببببببببي


[ المرحله التاسعه ]

هل ستربي اولادك بنفس الطريقة التي تربيت بها في طفولتك؟
مممممممم اني احب الطريقه الغربيه بالتربيه وهيه انو الشعور بالذنب افضل من العقاب

.

[ المرحله الاولى ]

اوصف لنآ طفولتك بمآ تريد !

عااااااااااا حلوة حلوة حلوة وكلهة براءة وعفوية وتخبل جانت ...الله صدككك اتمنة ترجع


[ المرحله الثانيه ]

ما هو اجمل موقف او اجمل ذكرى تتذكرها من طفولتك ؟

اكثر شي باقي ابالي من جنة ننتظر الفرصة تبدي حتة نلعب لو شرطة حرامي لو ركيضان.
..خخخخخخخخخ جانت فد شي خرافي

[ المرحله الثالثه ]

ما هو أصعب أو أحزن موقف مر عليك في طفولتك ؟

يوووو بالسادس ابتدائي صارت عدنة سفرة...وبيومهة تفاجات صديقتي مجتي من رجعت خابرتهة كلولي مكدرت لان ابوهة توفة...
مستحييييييييييييل انسسسسسسسسسسسسسسسسسسسسسااا لان صارت بوجهي وصغيرونة جنت
وكلولياهة ما اعرف شسوي بلحظتهة بقيت بس ابجي وليهسة اتذكر جان قبل العيد بيومين يمكن...

[ المرحله الرآبعه ]

ما هي أجمل هدية تلقيتها في طفولتك ولم تنساها لليوم ؟

عنتوووووووووووووووووتي صديق الطفووولة مالتي مستحيل انسسسسا
...دبدوووب

[ المرحله الخآمسه ]

هل هناك انسان معين كرهته في طفولتك .. ولماذا ؟

لا مو الهلدرجة من اني وصغيرة كلبي طيب نيااااااااااااااااااا

[ المرحله السآدسه ]

ماهي اصعب مره ضربت فيها ولازالت محفوره في ذاكرتك ,, وما السبب ؟

هية مو ضربة بس مرة المعلمة رزلتني رزالة ناااشفة كلش بالروووضة بقت اباليي لحد الان.
.ما ادري بوكتهة شسويت وكاااحة يمكن جانت تغار مني..خخخخخخخخخ



[ المرحله السابعه ]

هل كنت غيور بطفولتك من اخوانك وتحس بوجود تمييز بينك وبينهم ؟

لالالالا بعد شريد هم بنووتة وهم اخر وحدة وهم ماعندي اخت...نياااالي اصلا..


[ المرحله الثامنه ]

ما هي اكثر وافضل لعبة كنت تلعبها و أنت صغير ؟

مما ادري هواية جنت العب..بالمدرسة بالفرص كلة ركض مابيهة مجال
..وبالعطلة جنت وية الفريندز مال منطقة ههههههههههههه

[ المرحله التاسعه ]

هل ستربي اولادك بنفس الطريقة التي تربيت بها في طفولتك؟

لا ما اتوقع...رح يختلف الوضع...
علة كولة دنتوسة التربية الغربية حلوة..واحد بمكان ميعاقبهم يخليهم وحدهم يحسسون بالذنب
..يتعلمون اكثر..ومادللهم مثل ما ااهلي دللوني..نياااااااااااااااا

[ المرحله الاولى ]

اوصف لنآ طفولتك بمآ تريد !
اممممممم..ايام حلوة..براءة وبساطة..حركة وحرية


[ المرحله الثانيه ]

ما هو اجمل موقف او اجمل ذكرى تتذكرها من طفولتك ؟

أعياد ميلادي الاولى تخخخخخخخخخخخخخبل
[ المرحله الثالثه ]

ما هو أصعب أو أحزن موقف مر عليك في طفولتك ؟
وفاة بيبي واني ما شايفها ولا ماما ..جانت خارج العراق من سنة 90
فل موقف حييييل صعب جان والبيت كأبة
[ المرحله الرآبعه ]

ما هي أجمل هدية تلقيتها في طفولتك ولم تنساها لليوم ؟

طوبة من ماما صغيرونة ومكعبات لحد الان موجودة
[ المرحله الخآمسه ]

هل هناك انسان معين كرهته في طفولتك .. ولماذا ؟
لا
.
[ المرحله السآدسه ]

ماهي اصعب مره ضربت فيها ولازالت محفوره في ذاكرتك ,, وما السبب ؟
امممممممممممم
بلبيت حمد الله لا
بس مرة مرة انضربت ظلم لان عاندت الاستاذ


[ المرحله السابعه ]

هل كنت غيور بطفولتك من اخوانك وتحس بوجود تمييز بينك وبينهم ؟
اني وحيد بس اخت عندي واكبر مني وهية اصلا جان تعتني بيه ..جنت تقريبا مدلل
الولد والصغير وجاي على ولد متوفي...
[ المرحله الثامنه ]

ما هي اكثر وافضل لعبة كنت تلعبها و أنت صغير ؟
اي شئ اله علاقة بلطوبة!!!!!ومرات احب توكي اذا اجو بنوتات العائلة
وبلمدرسة عادي حرامي وجنود الخ الخ
هااااااا اكو لعبة ابغداد اسمها بلبل حاح وبكربلا عويدة هم احبها
[ المرحله التاسعه ]

هل ستربي اولادك بنفس الطريقة التي تربيت بيها في طفولتك

امممم ما اعتقد اكو اختلاف بكلشئ هسة التفكير والاسلوب والعقليات بس طبعا الاسس تبقى وحده






احمد من جان نونووووووووووووووووو