همممممممممممممممم خوش موضوع حب.....شوفي هو مثل ماكلتي الحب مو بس بين شاب وبنية...بس يعني هذا الموضوع ناقشناه اني وياج اليوم العصر
يعني شوفي هو الحب يصير غصب عن الواحد يعني فجأة وطب واحد يوكع بسالفة هو مو كدها....لإبرأيي قبل لا الواحد يحب ويخلي عواطفه تندمج او شي لازم يحسبها بعقله يعني مو بس توافق بينهم هم الاثنين ..لا يعني من كلشي حتى عائليا و اقتصاديا واجتماعيا هيجي يضمن نجاح الحب اللي هو بيه.مو مثل ايام قبل حبها وحبته وجابو قماش سوو خيمة وكعدو صار عندهم بيت
لا حتة هسة الحب تغيرت وجهته...بس اكيد هذا كله حجي نظري ورأي خاص بس يجوز من تصير صدك والواحد يحب شخص لذاته راح يلغي كل هاي الفوارق ويكوم ميحسبها بعد مااعرف من اجرب اكولج.
اما حب ووفاء واخلاص ومدري شنو هاي كلها مقومات لشي واحد هو الانسان لازم يكون صادق باي نوع من الحب يعني ممكن حبج لصديقتج او حب للام او الاخت يعني لان اي كذبة صغيرة الواحد يكذبها تطلع بيه ورة لو مدري شكد(وسأليني انلكف دائما لهذا استقاميت وكمت حتة على امي مااجذب جذب ابيض
)
وصدك عاشت ايدج على هالموضوع اتمنى يفتح خوش حوار بهالسالفة لان بيها كومة حجي ووجهات نظر