وردة الشقراء ع كرسي الاعترااااااف ...تعااالي وردة وين رايحة

هلو ورده شقراء

اشونج

راح اسالج كم سوال حلو مثلج

1 انت يامرحله؟؟؟؟

2 منو الي كلج على هذا المنتدى؟؟؟

3 انطيني رايج ب5 من الاعضاء الموجودين بالمنتدى؟؟؟

4 اكثر مكان تحبيه بالكليه؟؟؟؟

5 شنو رايج المنطقي والموضوعي بالنافوره الجديده؟؟؟؟

6 تخيلي شكل 2 من الاعضاء؟؟؟؟طبعا لازم متعرفيهم؟؟؟

7 شنو اكثر منتدى تحبيه؟؟؟

8 اسالي فد سوال وانت جاوبيه ؟؟؟بس اريد سوال موضوعي مو هيج سوال عالماشي

هاهيه

تره اسئلتي حلوه ومابيهه شي صعب

هلو ورده شقراء
هلا بيج حبي
اشونج
زينه الحمدالله
راح اسالج كم سوال حلو مثلج
هههه انتي الاحلى حياتي
1 انت يامرحله؟؟؟؟
اني صف خامس علمي
2 منو الي كلج على هذا المنتدى؟؟؟
كلتلي انجل
3 انطيني رايج ب5 من الاعضاء الموجودين بالمنتدى؟؟
فادي شخصيه تحب الحرووب وياه بنات
انجل من اسمهه يعني فعلا اسم على مسمى
رومه مواضيهه كلشش حلوه و رقيقه
بزونه عدهه فد همهه و نشاط بالمنتدى فضيع ((((اتخبل بزونه )))))
اميره بغداد ايضا اسم على مسمى ان شاء الله اتصيرين اميره عالم مو بس بغداد

4 اكثر مكان تحبيه بالكليه؟؟؟؟
والله بصراحه ما اعرف لان بعد مدخلت كليه
بس صراحه كلششششش عاجبني اشووف نافورتكم العجيبه
5 شنو رايج المنطقي والموضوعي بالنافوره الجديده؟؟؟
نافووووووووووره خرافيه اتجنن كلشششش حلو موضوع عاشت ايدج
6 تخيلي شكل 2 من الاعضاء؟؟؟؟طبعا لازم متعرفيهم؟؟؟
نجمه احسج طويله و بيضه انتي
اميره احسج عيونج ملونه و يمكن شويه حنطاويه
بعد ما اعرف صح احساسي لو لا
7 شنو اكثر منتدى تحبيه؟؟؟

منتدى فكاهي
8 اسالي فد سوال وانت جاوبيه ؟؟؟بس اريد سوال موضوعي مو هيج سوال عالماشي
حبيبي سأليني انتي و اني اجاوبج لان ما اعرف شسأل روحي
هاهيه

تره اسئلتي حلوه ومابيهه شي صعب
اسئلتج كلششششششش حلووه على صاحبتهه لا سهله
و اتمنى اجوبتي تعجبج
ثانكيو حبيبي

هلوووووووو حب وردة؟؟كيفك؟؟
امنيحا
شووواخبارك؟؟؟
تمام بخير
اخليج ويه اسئلتي
اي شكو بيهه
1-شنو شعووورج حاااليا وانتي ع كرسي الاعتراف؟؟؟متونسه-ضايجه-عجبج الكرسي-...؟؟
عجبج الكرسي-... مريح كلششششششش ههههههههه
2-شنو الشي الي تحبيه ومتعلقه بيـــــــــه كلش كلش وراح منج؟؟؟؟؟
صديقه عزيزه عليه من ايام روضه نحنا سويا و هسه سافرت و كلش متعلقه بيهه جنت و وبقيت متعلقهه بيهه هسه و بعد
3-ليش اختاريتي هذا النك مالتج؟؟؟؟يعني شنو السبب؟؟؟
بصراحه لان دائما الناس يكلولي انتي شكره فعجبني اسوي اللنك مالتي ورده الشقراء
4-شنوة الشي الي تنحرجين منه؟؟وبعد متعرفين شتسوين؟؟
من يسألوني سؤال شخصي و خصوصي

5-اوصفيلي وردة الشقراء بكم سطر ؟؟وشنو طبعج؟؟!!
ههههههههه حلوه هاي
اني انسانه احب الونسه و سفر بشكل فضيع بشكد متتصورين واحب اساعد الناس هوايااا
و طبعي حساسه كلششش من اي موقف او احد يزعل من عندي او اي شي يضوجني رئسا الدموع تنزل
و ما احب ازعل احد ابـــــــد لان وراها ضميري يأنبني هوايااا
6-شنو الاشياء الي تتمنين تمارسيهه بحياتج؟!
والله كلشش عاجبني امارس صيدله و ان شاء الله ادخلهه و امارسهه
7-اول متفوتين المنتدى شتسوين؟؟؟؟ وشنو غرضج من دخوووله؟؟
اول ما افووت اروح على بيانات الشخصيه اشووف الردود الاعضاء و بعدين اروح على مواضيع التي لم يرد عليها اشووف شكو مواضيع جدديده
و غرضي من دخووله اول شي للتسليه لان تعرفين حديقه كاعدين
و ثاني شي اطلع على المواضيع الحللووه التعجبني
8-منو الاعضاء الي يعجبج النك مالتهم (عددي 5 اعضاء )بس بالسرة
انجل و بزونه و دلوعة اسنان و حمامه و اللنك مالتي كلش يعجبني ورده الشقراء هههه
9-شنو الاشياء الي يعجبج تسويهه وتخافين منهه؟؟
احب اصير جريئه بكلشي لان اني هواياا امشي على مبدئ الحياه تجاارب بس بعدين اخااف اتندم على شي الي سويتهه اتمنى ما اندم على فد شي سويته بحياتي
10-شنو الملاحظه الي لاحظتيهه ع اعضائنا من دخلتي المنتدى لحد الان؟
ما شاء الله عليهم همهه و نشاط عاليه كلشششششششش


وشنيه النصائح الي تحبين تكوليهه للاعضاء الج حق باختيار 5 اعضــــــــــــــاء
والله بصراحه ما عندي نصائح لان كلهم ما شاء الله عليهم عدهم همهه بالمنتدى
بس احب انطي نصيحه للاعضاء الي سجلو و طفروا احب الي يسجل بالمنتدى ينطي للمنتدى كل استحقاقه
مو بس يسجلون و بعدين يطفرون
11-شنو رأيج باسئلتي؟؟؟؟هههههههه؟
حلووووووووه عاشت ايدج
ان شاء الله تعجبج اجوبتي

هلووو وردة يا بنبونية مال منتدى..شلونج..؟
هلا بيج حياتي زينه الحمدالله حلوو هذا اللنك اتنطينياه بنبونيه
1. ورة من شفتي طلاب الاسنان ونقاشاتهم واخذتي يمكن فكرة صغيرونة عن كليتنة ممكن اذا انشاالله طلعتي معدل عالي تغيرين رأيج عن الصيدلة؟ وليش بالذات تحبين الصيدلة؟
صرااحه لا ما اغير رأي عن صيدله لان هواياا احبهه و هايه امنيه حياتي اني ادخل صيدله او هندسه
والله ماكو سبب معين لحب صيدله بس من اني صغيره اني هذا حلمي وان شاء الله يتحقق حلمي

2. احلة كارتوووون جانت تتمتع بي وردة الشقراء من جانت نونو ومن هسة مرات يعجبهة تشوف..
ترة عااادي كلتنة بعدنة نباوع كارتون
اني مو اي كارتون اتفرج بس بيب بيب و توم جيري و ويني الدبدوب و نيلز هذوله اموووت عليهم
اي طبعاااا هو منو ما يباوع كارتون الكل اتحب سبيس تون و mbc3
3. وردة شنو اسهل بالنسبة الج ضحكة مصطنعة لو دمعة مصطنعة؟
ضحكه المصطنعه حتى لا ابين مقابيلي اني ضايجه من عنده

4. ماجد المهندس لو كاظم الساهر؟؟ وليش؟؟ ولتكولين ثنينهم لازم واحد بس مابيهة مجال
لا كاظم احب امووت عليه خاصه اغاني الشعبيه احلى من قصايد مالته

5. اكثر شي لفت انتباهج بهذة المنتدى بالذات؟
كثره الاعضاء و الكل عدهه همه بالمنتدى طبعا مو اي منتدى هيجي اعضائه عدهم همهه
ولفت انضاري الحروب كل موضوع لازم يصير بيهه معركه هههههههههههههه


6. يلة كتبيلنة كم عضو من المنتدى وغيري القابهم بكيفج..شكد متريدين من الاعضاء
همهه الاعضاء كلهم القابهم حلووه مثلهم
7. انطينة فكرة للمنتدى تشبه فكرة كرسي الاعتراف بس غير فيكة؟
والله فكره كرسي الاعتراف كلششش حلووه سوري بعد ما اعرف غير فيكاتتت


8. منو احلة الفيزيا لو الكيميا؟ وشنو يكون شعورج اذا لغوا الرياضيات من منهجكم..
الكيمياء هواياا حلووووووووه
الله لا يكولهه يلغون الرياضيات لان شكد متتصوريين احب رياضيات و انعفي بي كل سنه
9. رتبي الالوان الاتية حسب الي تحبيهم


-اسود
-ابيض
-ازرك
-رصاصي
-وردي
-بنفسجي
-ماروني

وردي لوني المفضل - ابيض - ازرق- بنفسجي - اسود - ماروني طبعا كلش اكرهه ماروني
10. منو احلة الشتة لو الصيف نيااااا
لا صيف عندي احلى من شتا



هاهييية حبي دوختج...جاوبيهة وووو ياربي تتونسين بيهة ومتكون مملة...
لا حبيبي بالعكس تونست وياج
ثانكيو على الاسئله و ان شاء الله تعجبج الاجوبتي

هلووووووووو ورده ..يمه فدوه للنونياات ولج اني لازم اصيحيني خاله ههههههههههه
ياله نبلش بالاسئله بس ححاول الكي اسئله شوي محرجه لوووول

1-وكعتي فد يوم بالسوك قصدي عثرتي واتكربستي لول .؟واذا اي صرتي طماطه واذا لا شتتوقعين حسوين بلحظته ؟

2- حاولي تخبثين ع مدرسه فد يوم ؟واذا اي كولي شسويتي واذا لا كولي شتتمنين سوي وكاحه وعليمن بس تخافين او تستحينننننن اسوي ؟
3-اسمج الحقيقي من كم حرف وانطينه حرف واحد منه بس ؟

4-شنو رايج بالفيس بوك والهاي فايف ؟

5- لييش اختاريتي منتدى الاسنان لان كو منتديات للصيدله هوايه وهم حلووه شنو الي جذبج بي بحيث استمريتي ويانه واكيد النه الشرف ورده

6-انتي يا رحله جنتي كاعده ؟لان اذا بالنهايه عفيه بيج بس اذا ليكدام ميصير هيجي سجاجه ديري بالج ع نفسج تره السج عدوىىى ههههههههههه

7-شايفتلي موضوع قبل وشنو رايج بي ؟بس ها بصراحه جاوبي

8-اتحبين الكليجه لو لا؟واذا تحبيها سويلنه من هسه لللعيد

9-اذا فد يوم كعدتي من النوم وشعررج مكفوووش وره نومه تخبل ع السبلت ولكيتنه كل اعضاء المنتدى كاعدين بالهول جايين زياره موقعيه لوووول شيصير بيج وشتقدميلنه لوووول

واخر شي لدوخين حالج بلسؤال السابع لان اني بس ربليات لووووول ما انزل مواضيع بس جنت اشاقه وياج لان شكلج متعرفيني هع هع


ياله حياتي ان شاء الله اكون اسئلتي مثل الدولمه ع كلبج لوووووول

هلووووووووو ورده ..يمه فدوه للنونياات ولج اني لازم اصيحيني خاله ههههههههههه
ولا يهمج اصيحج خاله ههههههههههه ولو اني هايه الالقاب اضوج منهه كل واحد اصيحهه بأسمه
ياله نبلش بالاسئله بس ححاول الكي اسئله شوي محرجه لوووول
يلا انبلش ولا يهمج

1-وكعتي فد يوم بالسوك قصدي عثرتي واتكربستي لول .؟واذا اي صرتي طماطه واذا لا شتتوقعين حسوين بلحظته ؟
امممممممم حلو هذا السؤال مره وحده وكعت بالشارع انلوت رجلي و كعت هايه سفرتي الاخيره بسوريا
و صرت معجون طماطه مو بس طماطه خخخخخخخخخخخخخخ

2- حاولي تخبثين ع مدرسه فد يوم ؟واذا اي كولي شسويتي واذا لا كولي شتتمنين سوي وكاحه وعليمن بس تخافين او تستحينننننن اسوي ؟
بصرااحه اني دائماا الي اتفق ويا بنات و انغيب غياب جماعي خاصه من يكون هواياا ايام امداوميين و ما صادفت عطله فأني الي اقترح عليهم ناخذ عطله روحنا بس ها بالسكته ما انكول الاحد
هايه اكثر شي اسووي بعد غير شي ما اسوي لان اني محبوبه بالمدرسه
3-اسمج الحقيقي من كم حرف وانطينه حرف واحد منه بس ؟
من 3 حروف انطيكم اول حرف ((س))

4-شنو رايج بالفيس بوك والهاي فايف ؟
اني فيس بووك ما عندي بس هاي فايف عندي حلوو اقضي بي وقت شويه

5- لييش اختاريتي منتدى الاسنان لان كو منتديات للصيدله هوايه وهم حلووه شنو الي جذبج بي بحيث استمريتي ويانه واكيد النه الشرف ورده
والله منتدى الاسنان لان انجل الي كلتلي عليه منتديات الصيدله ما اعرف احد بي
والي جذبني بي و حبيت المنتدى لان اكو حركه بي من قبل الاعضاء
و اكيد اني هم الي شرف لان اتعرفت عليكم

6-انتي يا رحله جنتي كاعده ؟لان اذا بالنهايه عفيه بيج بس اذا ليكدام ميصير هيجي سجاجه ديري بالج ع نفسج تره السج عدوىىى ههههههههههه
والله اني كل سنه بأول رحله اكعد و سره بنص واني اسج بس للماده الي تعجبني ماده ما تعجبني على ماشي اقراها خخخخخخخخخخخخخ

7-شايفتلي موضوع قبل وشنو رايج بي ؟بس ها بصراحه جاوبي

8-اتحبين الكليجه لو لا؟واذا تحبيها سويلنه من هسه لللعيد
احب بس كليجه ام جوز ههههههه ولو اني ما مجربه اسوي كليجه بس راح اجربهه براسكم عووود خخخخخخخخ

9-اذا فد يوم كعدتي من النوم وشعررج مكفوووش وره نومه تخبل ع السبلت ولكيتنه كل اعضاء المنتدى كاعدين بالهول جايين زياره موقعيه لوووول شيصير بيج وشتقدميلنه لوووول
هههههههههههههههههههههههههههههه اولا شي اهلا وسهلا بيكم
ثاني شي شلون اتقبلين اطلعلكم هيجي بس اني عندي عاده من اكعد من نوم ارتب نفسي يلا اطب للهول يعني ما راح اتشوفوني مكفوشه هههههههههههههه
انتو شتريدون اقدملكم عود غده مالتكم عليه يلا تعالوا اسويلكم دولمه يلا حددوا الموعد تعالوا اتفضلوا يمي اهلا وسهلا بيكم
واخر شي لدوخين حالج بلسؤال السابع لان اني بس ربليات لووووول ما انزل مواضيع بس جنت اشاقه وياج لان شكلج متعرفيني هع هع
هههههههههههههههههههههههههه
لا حبيبي ما دوختيني عادي


ياله حياتي ان شاء الله اكون اسئلتي مثل الدولمه ع كلبج لوووووول
اي اكيد مثل دولمه

اشوووو طولتي وردة ع الكرسي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يله حبي حددي منو وراج لان صارلج 4 ايام كااااعده
جاوبي ع الاسئله وحددي

هلووووووووووووو حلو هذا المنتدى والموضوع وحبيت اشارك
وردة استلمي
يلا جاري استلام خخخ
1.شنو اكثر موقف خلاج تتمنين الموت .؟؟؟؟
ماكو موقف خلاني اتمنى هيج امنيه
2.انتي عاطفيه لو جديه بالحياة؟؟؟؟
لا اني جديه بالحياه لان العاظفه مو سلاح الحياه الجديه افضل من العاطفه
3.تحبين تسهرين هوايه؟؟؟
اي احب اسهر من يكون ما عندي شي حديقه
4.تحبين الاكل ؟؟؟؟؟
لالالالا مو كلشش احبه عندي الاكل شي ثانوي
5.شنو فطوركم اليوم؟؟؟؟
هههههههه ماعدنا فطور اني مسيحيه
6.تحبين جيرانكم لو تضوجين منهم؟؟؟؟؟
لا مستحيل اضوج من جيرانه لان همه اكثر من اهل نحنا وياهم
7.انتي تعرفين تكرهين يعني كرهتي فد شخص مره بحياتج؟؟؟
نعم كرهت ابنيه جانت ويايه بالمدرسه علمود بالموضوع
8.تحبين الببسي لو السفن؟؟؟؟
لا بيبسي امووت عليه
9.هل انتي حديقه؟؟؟
اي حديقه و الحمدالله هههههههههه
10.هم فكرتي او حاولتي تنتحرين فد يوم؟؟؟
لا يمعود كول غيرهه بعد ما شفت شي من حياتي و شبابي لا مستحيل افكر بلانتحار فديوم
11.اذا صار انفجار شتسوين؟؟؟؟؟
اممممممم اني صاير كدامي انفجار مره و صيحت صيحه عمري ما صايحهه هيجي صيحهه
12.تلعبين طوبه؟؟؟؟
لالالالالالالالالا و الف لالالالا شنوو طوبه واحد يلعبهه
13.هاي هيه خلصت خومو ضجتي؟؟؟
لا يمعود عليش اضووج بالعكس اتونست اسألتك حلووه

هلوووو وردة شلوونج هاي كم سؤال بسيييط جدا لا تفزين مو صعبات حتى محتفكرين كبل تجاوبين.... يلانبدي بأول سؤال..
زينه الحمدالله ان شاء الله اتكون سهله هههههههههههههه.
1-كم ساعة تكعدين عالنت باليوم؟؟؟؟
هسه حاليا لان عطله فأكثر اوقاتي على النيت بس من يبدي دوام يعني ساعه او ساعتين باليوم اذا ما عندي شي
2-اغنية لمن تسمعيها تبجين ...واغنية لمن تسمعيها ترتاحين؟؟
اغنيه من اسمعها ابجي اغنيه الجماعيه مال تامر حسني و رامي عياش و يارا ووو اسمهه امي كلش احبهه
و انما مو ابجي وانما ادمج وياها كلششش
و اغنيه من اسمعها ارتاح اغنيه نوال زغبي انا ليه مشتاقلك اموووووووووت عليههه
3-وين بيتكم ....؟؟لاتخافين محد هههههه
بيتنا بالمنصور
4-شنو اكثر اكلة تحبيها؟؟؟ويا اكلة تحبين تطبخيها ؟؟؟!!!
اكثر اكله احب دولمه و كبه حامض و الاكله الي احب اسويها هي برياني هواياا اعتني بيهه
5-وين رح تروحين بالعيييد؟؟؟اشتريتي هدوم للعيد لو بعدج؟؟
تـــــــــــــــــــــرك خخخخخخخخخخخ
6-شنو المسلسلات الي شفتيها برمضان؟؟
كلمه حق و دالي و قصه امس و بعض البرامج الشرقيه
7- صفة عندج متحبيها وتريدين تخلصن منها؟؟؟
اريد اخلص من صفه مو على كلشي ابجي على اقل موقف كدامي اني ابجي
واخر سؤال الساعة بيش هسة؟؟؟!!!!!!
ساعه 12 بليل
ان شاء الله ما اكون دوختج بأسألتي بس ترة ماكو ترك كل الاسئلة تجاوبيها ماشي؟؟؟
لا حبيبي بالعكس تركتلج بس سؤال لان اني مسيحيه اوكي سمااح هل مره خخخخخخخخخخخخخ