شوفو هذه الحوار بين الكوبي والبيست
--------------------------
كوبي : هلو بيست اشلونك . شلون الصحة .
بيست : هلو كوبي .
كوبي : هاي شبيك اشو اجاوب من ورة خشمك.
بيست : يمعود شغل ماكو هل الأيام .
كوبي : اه. مو كل ساعة وكل يوم اني جايبلك شغل.
بيست : يمعود هيج شغل ما ينراد كله تبوكَة من المنتديات وجيبه يعني بين قوسين (مال حرام)
كوبي : هاي فوكَها .مو زين كاعد اشغلك . وانته عطال بطال.
بيست : والله هيج شغلة بلحرام ما اريد .
كوبي : زين لعد بعد كل شي ما اجيب . وابقى حديقة .
بيست : هاي شبيك كاعد اشاقه وياك .
كوبي : ها اشو بدلت .
بيست : بس خليها في بالك لو مو اني انته ما تشتغل .
كوبي : هلو عيني هلو . هو انته جنت حافي واني لبستك .
بيست : بلة اسكت اسكت . هو اني اتعب اكثر منك .
كوبي : انته تتعب اكثر مني ؟؟ هو اني اروح ادور على المواضيع والصور بين المواقع والمنتديات وروح تكسي وتعال تكسي واجيبه الك وانته على الحاضر تاخذه .
بيست : لعد اني اجيب بهل الصمغ والزكَ بهاي المواضيع والصور . وترة سعر الصمغ صاعد هل الايام .
كوبي : ليش يمه كاعدين يصنعون العبوات بلصمغ حتى يصعد سعرة . لعد اني شكول كهرباء ماكو وبانزين ماكو واسعار التكسي نار . وانته لا بانزين ولا دوخة رأس.
بيست : هاي من كَالكَ . اصلا الصمغ هم يصير من البانزين.
كوبي : هاي شنو !! استخدم غرة مال الاخشاب.
بيست : هسه شكد حجيت روح جيبنا شغل منا منا .
كوبي : أي والله اني شدوخت روحي وياك لو ادري ما جان سلمت . باي
بيست : باي
اشعدنه غير الكوبي والبيست تخيلو اذا ماكو شيصير بالمنتدى
خخخخخخخخخخخخخخخخخخخخ
تحياتي . . . انجل
موضوع: شوفو سوالف الكوبي والبيست... اله شويه وتصير عركه 
الأحد يوليو 27, 2008 5:43 pm
موضوع حلووو 
اي بس بالمنتدى لعد وين ؟ ؟ ؟ هههههههههه 
