كليجه 2007 ديجتل للعيد ___ادخل واتعلم شلون اتسوي كليجه

السلام عليكم

مابقه بعد للعيد مال الفطر الا القليل وبهاي المناسبه نهدي اعطر التهاني
الى صاحب الجلاله والسمو رئيس هاي الطركاعه سئل الله تعالى ان يحفظه من حب الشباب
وعند العجايز كلشي جايز


طبعا بالعيد لازم اكو كليجه من يجوج خطار لازم اتقدميلهم اكليجه ام التمر
وي الكليجه لازم اكو شربت ولازم عندج كلاصات لعمود الشربت ولازم عندج صينيه
اتقدمين بيها الكلاصات الي بيها الشربت الي يشربوه وي الكليجه الي راح اشرحها الج الان
ولازم عندج طبله اتحطين عليها الصينيه الي بيها الكلاصات الي بيها الشربت الي يشربوه
وي الكليجه الي راح اشرحها الج الان


طريقه عمل الكليجه طريقة 2007


المواد

1طحين
2معجنه او وعاء السلاطين كبير
3ماء
4حنفيه مال ماء يطلع منها الماء
5بوري تاسيس من المصدر الى المطبخ حتى يوصل الماي من المصدر الى الحنفيه
6زيت سائل حار
7ابو امحيسن هو صاحب المحل مال الغذائيه حتى تشترين منه الزيت
8 سكر
9 ابو صادق وهو صاحب المحل براس الشارع عنده سكر لانه ابو امحيسن بالفقره7 مخلص السكر فلا تروحين يمه لانه خلص السكر مالته عنده بس الضغط

10 تمر
11 نخله مال تمر حتى انكطع منه التمر
12 سيارة كيا حتى نروح بيها الى البصره نجيب خوش تمر من النخله



طريقة العمل

1 نجيب طحين الحصه التمونيه ونكعد انغسله بالماي والتايد لانه مال حصه تمونيه
مال وزارة التجاره العراقيه يكون بيه وسخ وراها انشره بالسطح ينشف وراها
انجيب شيره مال النسوان ونكعد انحف للطحين بالشيره حتى نخلص من الشعر الي
بالطحين وراها نظع رابع كلوريد البوتاسيوم او رابع كلوريد المغنيسيوم او رابع بيت
على ايدك اليمنه حتى نقتل معشر الجراثيم بالطحين مال الحصه التمونيه


2 انحط الماي بالطحين ثم يا اختي تكعدين ادعكين ادعكين ادعكين الماء والطيحين
الى ان نحصل على عجينه ادعكين ادعكين واثناء ما ادعكين راح يندك الباب عليج
هاي ام ستار جايه تريد شويه ملح عودك كومي فتحي الباب واتفلي عليها تفله حاقده
لانه قطعت عليك الدعك وارجعي ادعكي ادعكي ادعكي ومثل مايقول كاظم الساهر ادعكلي
لي اجزاءي احبيني بلا عقدا وضيعي في مدري وين


3 وره ماتصير العجينه تجيبي التمر تحطيه بيها اتقطعيها وشمريها بالفرن
وراها تطلع الكليجه اوي دخت هسه شنو هاي الهوسه هي طحين وماي خبطيهم
وبعدين حطي بيها تمر وحطيها بالفرن تطلع كليجه وانتهى الامر



اني سويت كليجه العام الماظي ونفس الخطوات اعلاه


http://www.al7elwa.net/uploads/6eed6bd2fd.jpg


http://www.al7elwa.net/uploads/1ceffec5c6.jpg


هاي الكليجه سويتها العام الماظي ولحد الان بعدها يمي اشو كل ما اكل
وحده ماتنعلس مدري ليش يمكن حاط هواي كونكريت مسلح بيها بس هسه
حاط منها بالبوفيه الي يشوفها اكلهم هاي اثار العراق المنهوبه


تحياتي
والف عافيه مقدما بس دزولي منها مو تنسوني
مثنى الكبيسي