Dr.AiA ضحية كرسي الاعتراف...خلي يتفضل

يمه يمه ..شو انتو حاميين عليه..
هسه نجاوب بزونة

اول شي ... بدون زحمة ماكو لا ما اعرف ولا ما ادري ولا اجوبة انهزامية خووووووووش...؟؟
لا ماكو اي انهزام..وانتي تدرين بيا

1. من تنزل دمعة من عينك اول شي يجي ابالك شنو
شنو راح اسوي بعد ما تجف الدمعة...بداية جديدة

2. احلة موقف صار بيك..وية اهل او اصدقاء او حبيب او وية اي احد
بفترة السادس جانت بعد السقوط..وجان عدنا اقارب هواية راجعين وناس مشايفة ناس من سنين.. وبنفس الوقت طلعت النتئج مال السادس...وواااااااااااااااااااااااووو.جان شئ رهيب

3. انت انسان صريح من تدخل بمشكلة و تحس انو انت سببها او الك فد نسبة جبيرة منهة
اي طبعا الصراحة شئ مفروض منه..بس مع بعض الدبلوماسية حته نقلل الخسائر
4. ((اتمنة روحي تصير طير وتجيكم)) المن تهدي هذة المقطع
من اكون بلقسم الداخلي وصارلي فترة ما نازل للبيت..واهلي يخابرون وملتمين

5. I WILL NEVER DO THAT AGAIN
شنوة الشي الي متندم عليه كلش وحلفت بعد مترجع تعيدة....
وليش متندم اصلا..
اتندمت من صارتلي فرصة انو اسوي تسريع من جنت صغيير بس ما استغليتها..وما اعتقد عندي فرصة انو اعيدها
6. اكثر شي يجرحك واكثر شي يخوفك
انجرح من اكون اني واشيائي ووقتي بخدمه صديق او شخص وهو يبخل عليه بأبسط الأشياء..
واخاف من المستقبل.


7. جنسية تحب تاخذهة ..مقابل انو تستغني عن الجنسية العراقية..ولتكول ما استغني يعني بس كفرضية لو مجنت عراقي شنو تتمنة تكون..وليش
اولا فكرة الجنسية العراقية مو ورقة مكبوسة..الجنسية فكر وعقل و لعد وجا شنهي وعليمن وياهو..الخ الخ الخ..يعتي اني عراقيتي مختومة بيا من اجيت للدنيا واعتقد الكل هيج
بس يعجبني اخذ جنسية سويسرية..بلد راقي شعبا وسياسة..وتنوع الثقافة واللغة

8. شخبوطة هواية تشخبطهة علة محاضرات ودفاتر واوراق...شنية طبعا عدة اسمك او توقيعك
هو اكثر شئ اسمي وتوقيعي.اعداد هائلة.وابيات شعر..لا تشكو للناس...............
وإن حظي كدقيق...................
بس اكتب شئ ما اعرف ليش اكتبة
what i do now?
i dont know
9. امممممممم اذا صديق سوة شي وداس علة كل الصداقة الي بينكم وجان متقصد بس اتندم و وراهة رجع يعتذر شنو موقفك منة رح يصير
اي اقبل اعتذاره..بس ما انسالهياه..وأنتظر اللحظة الي اعيشه بنفس الموقف بس ما اسوي الي سواه..يعني احرجه بأخلاقي
10. اخر شخص خلاك تضحك
ولد صديقي نقلي فيديو على الموبايل كلش كومة هواية جدا ضحكت
11. المن تكول او علة شنو تكول...

.. اسف. لشخص أخطأت بحقه
.. صريح من اكون حقيقة رسمي حيل احجي بصراحة
.. جريء اكو مواقف ما تتحمل مجاملات ..فل تكون الحل انو واحد يصير جرئ وصريح جواب مشترك
.. مغرور مرات لنفسي من اسوي او اكتشف شئ جديد
.. زعل هم لنفسي لان اني مرات اصير حساس او ابو زعيله
.. صدمة راح زمن الصدمات واي شئ متوقع بهل الزمن
.. صادق انسان ابحث عنه
.. كذاب انسان هواية اشوفه
.. مصلحة صفة متوطنه بعنف.

12. ابتسمت فد يوم بوجه انسان انت متطيقة بما انو انت مجامل
لااااااااااااا ابدا..كلشئ ولا هاي..اذا بلخطأ ابتسمت فهيه ابتسامة خبيثة تعبر عن مقتي اله..وكل تعابير وجهي تكول اني اني ما اطيقك
((وبمناسبة المجاملة..اني اجامل الشخص بأن امدح شوية زايد صفة عنده..مو اخلقها إله..فقط للتوضيح))
13. اخر شي او اخر كلمة تذكرهة قبل متنام او اول متكعد وشمعنة هلكلمة بالذات
حاليا انام واكعد اني حاضن موبايلاتي.. وفاتح نت منهن..
بس هو بشكل عام..اقول يوم اخر انتهى قبل ما انام..ويوم جديد ها قد بدأ من اكعد..طبعا بلجلفي مو فصحى
..شدعي عليج بزونة..أسئلة طويلة وكل واحد يرادله نص صفحة كتابة..واني ما حبيت اتفلسف وكتبت بلا تفكير طويل..حته ما راجعتها...عل عموم شكرااااااااااااااااااااااااااااااااااااااااا

1-رح انطيك اسماء اعضاء كلي شنو رأيك بيهم؟؟اووكي
1-بزونه ذكاء وعناد
2-انجل مرحة
3-روما ردود حلوة
4-اميرة بغداد اسم حلو
5-وانــــــــــــــــي زميلة المستقبل ان شاء الله
وككل مواضيع فيكة
2-شنو هي اكثر هواياتك الي تمارسهه؟؟وشنيه الي تتمنى تمارسها؟؟
حاليا موبايلات وحاسبات وبرامج ونت..بس بلحقيقة اني احب المطالعة واتمنى ارجعلها
3-شنو رأيك بالحب من طرف واحد؟؟؟وليش هذا جوابك؟؟؟ ككل الموضوع مالي علاقة بيه..اني عندي الحب تصرف عقلي..وبما انه صار من طرف واحد اذن عقل ماكو...رأي غريب شوية
4-امممممممم.....شنو رأيك بـ هذه المقوله(فاقد الشي لا يعطيه)؟؟؟؟؟اوووووووو اكو ناس اتمنى اطبقها
5-شنو اكثر شي يجذبك بالصديق ؟؟؟ بشكل عام ذكائه واسبوبه بالكلام وادارته للحديث
6-اخر نكته حبيتهه؟؟؟؟وخربت ضحك عليهه؟؟ مو نكتة بس مقطع موبايل..وحييييل ضحكت
7-اوصفلي نفسك بكم سطر وكولي شنوة طبعك؟؟؟احمد المفروش شاب. اجمع النقيضين بالصفات ويحكمني الموقف والشخص المقابل بالتعامل
احب ال تكلنوجيات موبايل حاسبات الخ الخ. احب امشي احب القرائة.. احب فن الكلام والباراسايكولوجي وعلم النفس..
خاف تتخيلوني لابس قبوط وبحلكي غليون ادخن

شكرا على الاسئلة

شلونك صديقي
هاي جم سؤال بس عن العين
من عمرك اكتشف انو انته نجحت لل خامس مو؟؟؟
شنو اني شكد ذكي صدقه لالله
المهم
تحب كوليتنا يعني من سنت الوخ بعون الله رح تتخرج وهم رح تبجي مثل ماسسو جم ولد بهل سنه؟
زين اكثر مرحله تعجبك بكولينا عدا مرحلتك طبعا؟
شنو اكثر شي حبيته بكولينا؟
ويعتبارك قديم بل كوليه يا صف تونست بي اكثر يعني شفته احله سنه؟
ولا دكول دوختك لان مثل ماكتلك هاي اسئله خفيفه
وباي حبي

هلو دكتور احمد

يله راح اسالك كم سوال والجواب((بدون دبلوماسيه))

1 منو اقرب عضو الك بالمنتدى؟؟؟؟

2 اكبر مخاوفك؟؟؟

3 اوصفلنه حياتك بالكليه؟؟؟

4 ليش حاط صورتك بالمنتدى يم اللوكر؟؟؟هيج لوكرك عزيز؟؟؟

5 اذا تضوج من الدنيا شتسوي؟؟؟؟

6 فد برنامج او مسلسله او فلم بالتلفزيون ....يستحيل تفوته؟؟؟

7 اشون تعرف وتحكم على شخصيه البنيه؟؟؟؟وهل من الممكن ان تحكم على بنيه من خلال مظهرهه؟؟

8 برايك منو افضل البنت الجريئه؟؟؟ام الخجوله؟؟؟

9 اذا لكيت بجيبك ماكو ولا فلس....منو من اعضاء المنتدى تطلب منه؟؟؟وشكد تطلب؟؟؟

10 كم مره طلعت دور ثاني بالكليه؟؟؟

وهاهيه

يارب تكون اسئلتي حلوه وبسيطه

هلو وء وء
من عمرك اكتشف انو انته نجحت لل خامس مو؟؟؟
إي حبي للخامس ومأجل سنة يعين جان المفروش متخرج

تحب كوليتنا يعني من سنت الوخ بعون الله رح تتخرج وهم رح تبجي مثل ماسسو جم ولد بهل سنه؟
طبعا احبها..ما ادري يمكن..ترة الموقف هم صعب..واني دأشوف حالتي جماعتي ال تخرجو
زين اكثر مرحله تعجبك بكولينا عدا مرحلتك طبعا؟
جانت المرحلة الرابعة..
شنو اكثر شي حبيته بكولينا؟
حجمها الصغيير ..ملمومة

ويعتبارك قديم بل كوليه يا صف تونست بي اكثر يعني شفته احله سنه؟
شوف حب..اني سنتين بلموصل وسنة أجلت وسنتين ابغداد
واحلى سنتين جانت بلثاني بلموصل..والرابع اهنا
شكرا حبببببببببببببببب على الاسئلة

منو اقرب عضو الك بالمنتدى؟؟؟؟ فادي لان صديقي ومرحلتي..وبزونة لإن سجلنه نفس اليوم..شوفي اللواكة..المشرفين .هههههههههه

2 اكبر مخاوفك؟؟؟ من المستقبل

3 اوصفلنه حياتك بالكليه؟؟؟ عادي نادي وسخته ومنضدة جانت.. الخ الخ الخ

4 ليش حاط صورتك بالمنتدى يم اللوكر؟؟؟هيج لوكرك عزيز؟؟؟ هذا اصلا مو لوكري..
بس لوكر ولد جان اسمه احمد احسان متخرج

5 اذا تضوج من الدنيا شتسوي؟؟؟؟ اسمع اغاني حزينة

6 فد برنامج او مسلسله او فلم بالتلفزيون ....يستحيل تفوته؟؟؟
جنت احب مسلسل الملك فاروق
7 اشون تعرف وتحكم على شخصيه البنيه؟؟؟؟وهل من الممكن ان تحكم على بنيه من خلال مظهرهه؟؟ الصدك الصدك بلبداية انتبه سوري على حذائها وبعدين الجنطة واخر شئ على الشعر او الحجاب ..مرات الذوق مال هل أشياء يعكس الشخصية..
والي احجي وياهم من اسلوب الحديث..وادارة الحوار...ماكو حكم عام ينتج من المظهر بس..مستحيل

8 برايك منو افضل البنت الجريئه؟؟؟ام الخجوله؟؟؟
الجريئة..او بلأحرى الي تكون واثقة من نفسها تعرف شون تحجي وتتصرف وتجذب انتباه البقية بس بدون متخلي واحد يجاوز عليها...

9 اذا لكيت بجيبك ماكو ولا فلس....منو من اعضاء المنتدى تطلب منه؟؟؟وشكد تطلب؟؟؟

10 كم مره طلعت دور ثاني بالكليه؟؟؟ اوووووووو ذكرتينه بلماضي
اني بلأول ب 3 والثاني ب 4 وووراها عبور 2...هاي جنت بلموصل وما ادراك ما الموصل
ب ثالث و الرابع دور اول..

تحيااااااااااااااااااااااااااااااااااااااااااااااااتي

هلووووووووووووووووووووو............عدن اليومين بسرعة وبهدوء مثل ما اتوقعت

وبهذا اني هسه اكدر اكوم من الكرسي...واختار واحد بمكاني
واني اختاريت دكتور زت اكس زت